IN DULCI JUBILO

SONNDEG, 14. DEZEMBER 2025 UM 17 AUER

PARKIERCH DIKRECH

Chorale Municipale Sängerbond Dikrech

Festlechen Erëffnungsconcert fir den 175. Anniversaire vum Dikrecher Sängerbond.

Gaby Wolter, Sopran. Myriam Pütz-Weisgerber, Alt. Marc Dostert, Tenor. Manfred Logeling, Bass. Jos Majerus, Piano. Maurice Clement, Uergel. Christophe Pütz, Percussioun. Michel Berns, Trompett. Jeannot Sanavia. Kontrabass.

Jean-Paul Majerus, Direktioun.

Fir den Optakt vun de Festlechkeete fir den 175. Anniversaire presentéiert d’Chorale Municipale Sängerbond Diekirch de feierlechen Erëffnungsconcert IN DULCI JUBILO.

Den Ufank vum Concert dirigéiert de fréieren Dirigent Andy LOOR. Duerno gëtt da symbolesch den Dirigentestaf un de neie musikalesche Leeder, de Jean-Paul MAJERUS weider ginn.

Um Programm sti souwuel traditionell a populär Chrëschtmusek, wéi och bekannte klassesch Chouerwierker, déi fir dësen Concert extra fir den Dikrecher Sängerbond vum Jean-Paul Majerus arrangéiert goufen.

IN DULCI JUBILO – in süßer Freude, mat dësem Motto wëll den Dikrecher Sängerbond och iwwert d’Chrëschtzäit eraus säin 175. Anniversaire zesumme mat Iech feieren.